| Leviticus, Cabdil 12 | Leviticus, Chapter 12 | ||||
|---|---|---|---|---|---|
| 1 | As loayr y Chiarn rish Moses, gra, | And the Lord spake unto Moses, saying, | |||
| 2 | Loayr rish cloan Israel, gra, My ta ben er yientyn, as er ymmyrkey lhiannoo-mac: eisht bee ish neu-ghlen shiaght laa: cordail rish ny laghyn-scarree, er coontey'n doghan dooghyssagh eck bee ish neu-ghlen. | Speak unto the children of Israel, saying, If a woman have conceived seed, and born a man child: then she shall be unclean seven days; according to the days of the separation for her infirmity shall she be unclean. | |||
| 3 | As er yn hoghtoo laa, bee eh er ny yiarey chymmylt 'syn eill. | And in the eighth day the flesh of his foreskin shall be circumcised. | |||
| 4 | As eisht nee ish tannaghtyn ayns e ghlenney-folley three laa jeig as feed: cha benn ee rish nhee erbee casherick, ny cheet ayns yn ynnyd casherick, derrey vees laghyn e ghlenney cooilleenit. | And she shall then continue in the blood of her purifying three and thirty days; she shall touch no hallowed thing, nor come into the sanctuary, until the days of her purifying be fulfilled. | |||
| 5 | As my t'ee gymmyrkey lhiannoo-inneen, eisht bee ish neu-ghlen daa hiaghtin, myr ayns y traa-scarree eck: as nee ish tannaghtyn ayns e ghlenney-folley, three-feed as shey laa. | But if she bear a maid child, then she shall be unclean two weeks, as in her separation: and she shall continue in the blood of her purifying threescore and six days. | |||
| 6 | As tra ta laghyn e ghlenney cooilleenit, son mac, ny son inneen, ver ee lh'ee eayn jeh'n chied vlein son oural-losht, as eean calmane, ny calmane-turtle son oural-peccah, gys dorrys y chabbane-agglish gys v taggyrt: | And when the days of her purifying are fulfilled, for a son, or for a daughter, she shall bring a lamb of the first year for a burnt offering, and a young pigeon, or a turtledove, for a sin offering, unto the door of the tabernacle of the congregation, unto the priest: | |||
| 7 | Eh nee shen y hebbal roish y Chiarn as jannoo lhiasaghey er e son; as bee ish glennit veih'n roie-folley eck. Shoh'n leigh jeeish ta er n'ymmyrkey mac ny inneen. | Who shall offer it before the Lord, and make an atonement for her; and she shall be cleansed from the issue of her blood. This is the law for her that hath born a male or a female. | |||
| 8 | As mannagh bee'n fort eck dy chur lh'ee eayn, eisht ver ee lh'ee daa chalmane-turtle, ny daa eean calmane; yn derrey yeh son yn oural-losht, as y jeh elley son oural-peccah: as nee'n saggyrt jannoo lhiasaghey er e son, as bee ish glen. | And if she be not able to bring a lamb, then she shall bring two turtles, or two young pigeons; the one for the burnt offering, and the other for a sin offering: and the priest shall make an atonement for her, and she shall be clean. |